ശിപായി ലഹള

മംഗൾപാണ്ഡേ...
താഴേക്ക് നോക്കി......
അങ്ങകലെ താഴെയൊരു
പൊട്ടുപോലെയെൻറെ മണ്ണ്...
നോക്കുന്തോറുമത്
തെളിഞ്ഞ് തെളിഞ്ഞങ്ങനെ
കണ്ണുനിറയ്ക്കുന്നു....
ഇന്നലത്തെപ്പോലെയെല്ലാം...

ബറാക്ക്പൂരിലെ
മുപ്പത്തിനാലാം
കാലാൾപട....
തൻറെ പ്രിയപ്പെട്ട റജിമൻറ്....
അടിമപ്പട്ടാളത്തിൻറെ
അടക്കാനാവാത്ത
ചെറുത്തുനിൽപ്പ്...
ഒരു തിരിച്ചടി....
ചോരയൊലിപ്പിച്ച
സാർജൻറും,അഡ്ജൂറൻറും
കരഞ്ഞുകൊണ്ടോടുന്നു...
വിചാരണയില്ലാതെ
ജനറൽ ഹെയേഴ്സ് എന്നെ
തൂക്കുമ്പോൾ
അയ്യാളറിഞ്ഞുകാണില്ല...
വലിയൊരു
വെടിമരുന്നു മല
പുകയുന്ന കാര്യം
മംഗൾ പാണ്ഡെയുടെ
ചോരക്ക് കണക്കുപറഞ്ഞ്
തിരിച്ചടിച്ച റജിമൻറ്...
മീററ്റ് ഝാൻസി കാൺപൂർ.....
രക്തമൊഴുകിപ്പടർന്നു....
ബാദ്ൽ കി സെറായി
ചുവന്നുതുടുത്തു...
ലക്ഷ്മീബായി
ഗ്വാളിയറിനുമേൽ
രക്തനക്ഷത്രമായുദിച്ചു....
എന്തിന്.... വേണ്ടി
അടിമഭാരതമിന്നും
അടിമഭാരതം തന്നെ...
വെള്ളക്കാരുപേക്ഷിച്ച
ഡിവെെഡാൻറ് റൂൾ
ജനങ്ങളൊന്നാകെ
ഏറ്റെടുത്തുകഴിഞ്ഞു
മതം മദമാകുന്നു...
ചരിത്രത്തിൻറെ
വക്രീകരണം
മഴവില്ലുപോലെ
വളഞ്ഞ് ഒരറ്റം
അന്തരീക്ഷത്തിലെവിടെയോ...
ഒരു ശിപായി ലഹളകൂടി...
അടിമഭാരതം ആവശ്യപ്പെടുന്നുവോ....?
എങ്ങോമറന്നുപോയ
നേരിനായുള്ള
ശിപായി ലഹള....